Fillon “DevCamp” për inovacione në sistemin e drejtësisë nga USAID Kosovo & ICK

Në hapësirat e Innovation Centre Kosovo në Prishtinë, ka filluar programi pesë-ditor i “DevCamp” garës për zgjidhje digjitale dhe inovative për sistemin e drejtësisë në Kosovë. Njëmbëdhjetë ekipe synojnë çmimet deri në 50,000 dollarë.

USAID Kosovo, nëpërmjet Projektit për Drejtësi (Justice Activity) dhe Innovation Centre Kosovo, synojnë që të ndihmojnë fushën e drejtësisë në Kosovë drejt përmirësimit të cilësisë dhe qasjes së qytetarëve në shërbime, përfshirjen e qytetarëve dhe ngritjen e besimit në drejtësi, dhe rritjen e numrit të shërbimeve inovative dhe digjitale për të gjithë qytetarët e Republikës së Kosovës.

Gjatë ditës së parë të DevCamp, pjesëmarrësit patën mundësinë të ndjekin ligjeratën dhe punëtorinë për identifikimin e problemeve, të drejtuar nga z. Driton Hapçiu.

Gjatë ditëve në vazhdim, pjesëmarrësit do të ndjekin edhe punëtori tjera, si: Validimi dhe dizajnimi i zgjidhjeve, Qëndrueshmëria dhe Fizibiliteti Teknik, Buxheti & Burimet, Përgatitja e “Pitch” dhe teknikat e prezantimit etj.

ICK & USAID Kosovo ju urojnë sukses të gjitha ekipeve!

Facebook
Twitter
LinkedIn